林昶佐立委爭取國家語言公家服務
華文版 文章連結
Tâi-bûn pán/台文版
2019 nî, Kàu-io̍k-pōo khà lâi tsham-siông Tâi-gí Miâ-sènn Tshâ-sûn Bāng-tsām, hōo Tâi-gí koh ta̍h-tshut 1 pōo. Ài kám-siā ū Lîm Tshióng-tsò li̍p-uí tàu tsing-tshú.
2019年，教育部敲來參詳台語名姓查詢網站，予台語閣踏出一步。愛感謝有林昶佐立委鬥爭取。
Tshâ miâ-sènn tse ke-si sè huân sè, mê-mê-kak-kak tsiânn tsuē. Miâ kah sènn ài thiah-khui phuànn, in-uī kâng hàn-jī bô pah-bīn kâng im. Miâ lāi-té ū-ê hàn-jī ū kâng-im-jī. Ū-lâng i miâ uân-tsuân bē-hiáu liām, tshù-lāi koh bô-tè mn̄g — ê, ke-si ū àn tsi̍t-kuá kui-tsik kā siōng ū khó-lîng — ê kíng tshut-lâi pò i tsai.
查名姓這家私細還細，鋩鋩角角誠濟。名佮姓愛拆開判，因為仝漢字無百面仝音。名內底漢字有仝音字。有人伊名完全袂曉唸，厝內閣無塊問，家私有按一寡規則共上有可能 — 的揀出來報伊知。
Tong-tshue-sî iTaigi sing tshuā-thâu tshòng-tshut tshoo-phue-khuán hōo ta̍k-ke bóng tshâ; tann kong-ka tshut-tsînn tshòng, ū tsuan-lâng kàu-tuì, tsu-liāu ke kái uân-tsíng.
當初時iTaigi先𤆬頭創出粗坯款予逐家罔查；今公家出錢創，有專人校對，資料加蓋完整。
Lîm Tshióng-tsò li̍p-uí tsiūnn-jīm kàu-tann lóng ū tih kuan-sim kok-ka gí-giân tsìng-tshik. Tsū 2016 kā Guā-kau-pōo kiàn-gī hōo hōo-tsiàu ē-sái thinn lán pún-miâ huat-im, 2019 nî thàn Kok-ka Gí-giân Huat-tián-huat hit sè kā Kàu-io̍k-pōo tsing-tshú tsit hāng ho̍k-bū.
林昶佐立委上任到今攏有咧關心國家語言政策。自2016共外交部建議予護照會使添咱本名發音，2019年趁國家語言發展法彼勢共教育部爭取這項服務。
Li̍p-uí lô-sim-lô-sîn lán lóng khuànn tsāi-lāi; tsit huê uānn lán kā sio-thīn.
委員勞心勞神咱攏看在內；這回換咱共相伨。
Tsiann-gue̍h tshe-káu, tsit lé-pài pài-la̍k, Tiong-tsìng Báng-kah khu Lîm Tshióng-tsò li̍p-uí pā-bián-àn, tshiánn tǹg bô-tông-ì.
正月初9，這禮拜拜六，中正艋舺區林昶佐罷免案，請頓無同意。
台語姓名查詢網站（試用版）
https://miasenn.moe.edu.tw/
